貓丁飯堂

Wednesday, September 26, 2007

中秋＠Le Blanc

任何第一次，通常都印象深刻。

第一次食私房菜，仲要係食法國菜！雖然最終得我同bon兩個人過節，但係好好氣氛！啲嘢食全部都有水準，由前菜到甜品，一碟食完先一碟慢慢歎，食足三、四粒鐘，談天說地，飲飲紅酒，感受真正的法國人生活，c'est la vie!

這個法式中秋，沒看見嫦娥卻仍浪漫。

Sunday, August 26, 2007

旅行失落後群症

去完埃及，一返工就OT，一下子將我從一個國度（埃及）拉回另一個國度（馬來西亞。。。大厦）感覺好超現實。。。

雖然埃及好熱好熱好熱，但係好好玩，好值得去，有好多冇諗過嘅睇，海陸空玩哂！我仲以為得沙同沙。。。日出日落都影左唔少（尼羅河嘅日落，沙漠嘅日落。。。），太漂亮了！唔悶咩？我只係覺得啲buffet好悶，食得最多就係食物金字塔嘅最底層-五穀類，所謂食包包食飽，9日裡面我都食左唔少，當然仲有其他嘢食，味道還可以，全程我都係食左兩餐杯麵（火車餐同埋Hilton個早餐buffet好難食，幸而我對食嘅要求低。沙漠村Ｄ人冇啖好食都唔駛政府幫，我地食幾餐難食嘅又算得咩）。

古埃及有好多好吸引嘅故仔，多得我地個導遊Andy陳不停講不停講，就算收聽率好低都照講，專業非常（我是真心讚賞的）！唔駛點瞓嘅我都聽左九成（其餘時間發夢同補太陽油），至於記得幾多就。。。

今次有好多難忘經歷：金字塔，獅身人面像，亞布辛布神殿，海市蜃樓，尼羅河，騎駱駝，戈壁沙漠，吉普車，流星，林伯特，紅海，paradise island，方尖碑，one dollar，番石榴汁，熱氣球，帆船，馬車，遊船，12小時火車，軍警，阿拉伯之夜，旋轉舞，肚皮舞，帝皇谷，女皇神殿，蘆葦畫，清真寺市集，粟一燒。。。

唔知幾時先有機會再去旅行呢？

Labels: travel